من مطبخ بيت… لمجمع غذائي بيجمع خيرات البلد

مشروع أردني منزلي من سنة 2023

خيرات بلدي مشروع أردني منزلي تأسس سنة 2023، متخصص بإنتاج المخللات والمكدوس والزيتون والمنتجات المجففة. منشتغل بمكوّنات محلية ووصفات تقليدية توارثناها، وبنحرص على إنو كل عبوة تطلع من عندنا طبيعية 100% وخالية من المواد الحافظة. بس خيرات بلدي أكتر من منتجات: هو مجمع غذائي بيربط صغار المزارعين والسيدات المنتِجات بالأسواق – بيوت ومطاعم ومتاجر. منعالج فيه مشكلتين بنفس الوقت: هدر الخضار الموسمية اللي بتضيع بلا تسويق، وصعوبة وصول منتجات السيدات المنزلية للسوق. منحوّلها لمنتجات موحّدة الجودة تحت مظلة تجارية وحدة، بتضمن دخل مستمر للأسر وبتحافظ على تراثنا الغذائي.

أنا حنان. بلّشت رحلتي من البيت، لما كنت أحضّر المنتجات البلدية لعيلتي: مخللات ومكدوس وزيتون. مع الوقت، الناس اللي حوالي صاروا يطلبوا مني بسبب الطعم والجودة، وهاي كانت البداية الحقيقية للمشروع. قرّرت أحوّل هالشغل لمشروع يحسّن دخل أسرتي، ويدعم السيدات الريفيات من خلال تسويق منتجاتهن، مع المحافظة على تراثنا الغذائي وتقديمه بجودة عالية وتغليف مناسب. ومن هون إجت فكرة مجمع خيرات بلدي – منصة بتجمع منتجات السيدات بمكان واحد، بتنظّم الإنتاج، وبتوصّل المنتجات للبيوت والمطاعم والمتاجر.

حنان فرحان الغيث – مؤسِّسة خيرات بلدي ومديرة المشروع

بأيادٍ أردنية

كل عبوة يحضّرها فريق من السيدات الماهرات في عمّان والمحافظات، بنفس الوصفة ونفس المقادير في كل مرة.

إيش اللي منحضّره إلك

  • مكدوس بزيت الزيتون

  • مكدوس بزيت نباتي

  • مخلل خيار بيبي

  • زيتون سلطة

  • زيتون كبس

  • بندورة مجففة

  • عبوات جملة للمطاعم

  • توصيل مبرّد داخل عمّان

  • طبيعي بلا مواد حافظة

الإيدين اللي وراء كل عبوة

خيرات بلدي مش شخص واحد. هو فريق، كل واحد فيه مسؤول عن مرحلة، عشان يوصلك المنتج بنفس الجودة في كل مرة.

  • إدارة المشروع: حنان فرحان الغيث – خبرة تتجاوز عشر سنوات في التخليل والتجفيف الطبيعي وإدارة الإنتاج.
  • إدارة الجودة: مراجعة كل دفعة قبل ما تتعبّى، ومتابعة ثبات الوصفة والمواصفة.
  • التنسيق المالي: متابعة التكاليف والتسعير والطلبات.
  • التجهيز والتغليف: سيدتان مسؤولتان عن التعبئة بعبوات محكمة الإغلاق.
  • فريق الإنتاج: ثلاث سيدات ماهرات بيحضّرن المكدوس والمخللات والزيتون والمجففات.

تم إعداد هذا المتجر الإلكتروني بدعم كريم من الشعب الأمريكي من خلال حكومة الولايات المتحدة.
محتوى هذا المتجر الإلكتروني من مسؤولية “خيرات بلدي” ولا يعكس بالضرورة وجهات نظر حكومة الولايات المتحدة.

Sponsored by the United States Mercy Corps