المكدوس عند خيرات بلدي بيبدأ من باذنجان بلدي صغير مختار حبّة حبّة. منسلقه ومنصفّيه منيح، ومنحشيه بخلطة الجوز والفليفلة الحمراء الحلوة والثوم، وبعدين منغمره بزيت زيتون صافي لحاله – بلا خل صناعي ولا مواد حافظة ولا ألوان.
زيت الزيتون الصافي هو اللي بيفرّق. بيعطي المكدوس طعم أغنى وأثقل شوي، وبيخلي الحبّة تحافظ على قوامها لفترة أطول. هالنوع هو المفضّل عند العيلة اللي بتحب الطعم البلدي القديم، وهو الأكثر طلباً عندنا.
كل عبوة بتتحضّر بأيدي سيدات ماهرات، بنفس الوصفة ونفس المقادير في كل مرة – عشان لما تطلب مرة تانية، يكون نفس الطعم اللي حبّيته.
خيارات الطلب
بتقدر تختار مكدوسك بثوم أو بدون ثوم، وبشطة أو بدون شطة. اكتب تفضيلك في خانة ملاحظات الطلب عند إتمام الشراء، أو خبّرنا عبر واتساب.
المكوّنات
باذنجان بلدي · جوز · فليفلة حمراء حلوة · ثوم · زيت زيتون صافٍ · ملح (حسب الطلب: شطة)
كيف تقدّمه
قدّمه على الفطور مع الخبز البلدي والشاي، أو كمقبّلة جنب الأكل. حرّك الحبّة بشوية من زيت العبوة قبل ما تقدّمها عشان ترجع طريّة.
طريقة الحفظ
احفظ العبوة بمكان بارد وجاف بعيد عن الشمس. بعد الفتح، خلّيها بالثلاجة وتأكد إنو الزيت مغطي الحبّات دايماً.







المراجعات
لا توجد مراجعات بعد.